Tricycle driver, pimmaltog gapu iti dati a susik

CAOAYAN, Ilocos Sur – Ginandat a gudasen ti maysa a baro ti kalugaranna iti Barangay Anonang Mayor ditoy nga ili idi agarup alas 10:25 ti rabii ti Hunio 8 maigapu iti dati a susik.

Naikustodia iti police station ditoy ni Zaldy Butay y Quirit, 50, baro, tricycle driver, residente iti nadakamat a barangay kalpasan a nagmintis a nangpaltog ken lni Marlon Quirit y Queypo, 321, naasawaan, kalugaranna.

Mapapati a pinaltogan ni Butay ni Quirit iti namindua ket nagmintis.

Immasideg ni Domingo Alcareon, chief tanod, ket idi nakitana ti paltog ti suspek, inagawna. Naglibas ti suspek a nagsakay iti motorsiklona.

Narekobre ti maysa a kapsula ken maysa a bala manipud iti cal .45 pistol iti nakapasamakan ti pammaltog.#