Tricycle driver, tinarayanna ti luganna

VIGAN CITY – Tinarayan ti maysa a tricycle driver ti luganna kalpasan a nasukalan dagiti polis nga adda iduldulinna a maiparparit nga agas.

Segun iti report, sinita dagiti polis ni Manuel Artates, 23, residente iti Barangay Pagpandayan, ditoy siudad gapu iti panaglabsingna iti ordinansa idi malem ti Agosto 13 ngem idi matiketan, nasiputan dagiti polis ti mapapati a pannakatnag ti maysa nga improvise toother.

Timmaray ni Artates ket saan a nakamatan dagiti polis.

Idi agsukimat dagiti polis iti lugan, nakasarakda iti napagango a marihuana nga agdagsen iti 2.5 gramo.

Iti pannakaisurat daytoy, di pay nabirokan dagiti polis ti suspetsa.#