Footer

Tricycle operator, pinaltogan ti kasinsinna

BANTAY, Ilocos Sur – Gapu iti pannakapabasolna a mannanakaw, pinaltogan ti maysa a trabahador ti kasinsinna a tricycle operator idi alas 8:00 ti rabii ti Hulio 12.

Iti pannakaisurat daytoy, agpapaimbag pay iti Gabriela Silang General Hospital gapu iti sugatna iti babaen ti lapayagna ni Reynaldo Garcia y Fermato, 31, naasawaan, tricycle operator, ken residente iti Barangay Bulag Centro ditoy nga ili kalpasan a pinaltogan ni Valentine Permejo y Garcia, 34, naasawaan, laborer, kasinsinna a kaarrubana met laeng.

Segun iti report, mapapati a prinobokar ti biktima dagiti kaarrubana nangruna ti suspek a pinabasolna a nagtakaw iti linaon ti antigo a lakasa iti uneg ti balayna a nagpungtotan ti suspek ket pinaltoganna ti kasinsinna.

Boluntario a simmuko ti suspek kadagiti polis.#