Trike driver, natiliw iti buy bust operation

Vigan City – inaresto dagiti polis ti maysa nga agpaspasada iti traysikel a mapapati a maysa a drug personality kalpasan ti inwayatda a buy bust operation.

Tiniliw dagiti intelligence operatives iti panangidaulo ni SPO4 Alexander Tapaya ti suspetsa a ni Arnold Somera, 37, naasawaan, agnaed iti Shelterville a masarakan iti Barangay Capangpangan ditoy siudad kalpasan ti inwayatda nga operasion.  Maysa kadagiti kameng ti operatiba ti nagpammarang a kustomer a gimmatang iti droga iti suspetsa.

Nakumpiska dagiti polis ken ni Somera ti marked money a dua a sag-P100 ken 6 a sag-P50 ken maysa a plastic sachet a mapapati a naglaon iti shabu. Iti pannakaisurat daytoy, nakabalud ni Somera.#