Trike driver, tinagbat ti ama ti kalib-inna

CABUGAO, Ilocos Sur – Natagbat idi rabii ti Enero 2 ti maysa a drayber ti traysikel gapu iti panagprobokarna.

Nagsagrap ni Jeser Belen y Seatriz, 30, tricycle driver, residente iti Barangay Rizal ditoy nga ili kadagiti dunor iti makannigid nga imana ken kannawan a dakulapna gapu iti panangtagbat kenkuana ni Loreto Villegas y Secretario, 64, naasawaan, ken residente met laeng iti nadakamat a barangay ket naitaray nga immuna iti Suero General Hospital sa naiyalis iti Don Mariano Marcos Hospital iti Batac, Ilocos Norte.

Nagramut ti pannagbat idi nagprobokar  ni Villegas ken binatona ti balay ti suspek a pagindegan ti kalib-inna a maysa a Cristy Villegas y Savella.

Mapapati a nakapungtot ti lakay ket tinagtagbatna ti biktima.

Boluntario a simmuko ti lakay kadagiti nagresponde a polis.

Nakarekobre dagiti polis iti maysa a bolo nga agatiddog iti sumurok kumurang a 20 1/2 a pulgada.#