Footer

Tropeo, P20,000, naiyawat iti sangguniang panlungsod ti Vigan

VIGAN CITY- Malaksid iti tropeo, immawat ti sangguniang panlungsod ditoy iti cash award a P20,000 manipud iti Philippine Councilors’ League babaen ken ni Konsehal Arthur Sabalburo, Executive Vice President iti Philippines Councilor’s League, Ilocos Sur Chapter, ken nangibagi ken ni Konsehal Alfonso Singson, presidente ti Liga, kas gunggonana iti pannakapilina a Most Outstanding City Council of Ilocos Sur.

Inawat da Vice Mayor Franz Ranches ken dagiti city councilors ti tropeo ken cash award bayat ti sessionda idi Enero 11.

Iti panangabakna, ti city council ditoy ti makisalip para iti Most Outstanding City Council iti regional level iti categoria ti component city.

Segun ken ni Ranches, napag-aanamonganda a mainayon ti P20,000 iti gastuen ti city council iti masungad a panaglakbay-aralda.#