Footer

Truck a nagkarga iti bayog, nasalamaan dagiti polis

CANDON CITY – Maysa a truck a nagkarga kadagiti bayog ti nasalamaan dagiti polis iti Candon-Salcedo Road a sakup ti Barangay San Jose ditoy siudad idi Pebrero 8.

Segun iti polis, napukan dagiti bayog sadiay Barangay Amguid  ket ginatang ni Anthony Palasi, residente iti Balseb, Tapdac, Atok, Benguet.

Kinuna met ti drayber ti truck a ni Johnny Norte, 48, residente iti Pakpakitan, Bugias, Benguet, maipan koma dagiti bayog iti Benguet babaen ti Cervantes Road idi nasalamaan ida dagiti polis.

Naka-impound ti Isuzu Forward truck agraman ti kargana a 250 a pedaso ti bayog iti police station ditoy siudad agsipud ta awan ti maipakita ni Palasi a naan-anay a permit para iti pannakaibiaheda.#