Footer

Truck a nagkarga iti pine woods lumber, na-impound

CERVANTES, Ilocos Sur – Maysa a truck a nagkarga iti pinewoods lumber ti nalapdan dagiti polis iti pannakaibiaheda idi parbangon ti Disiembre 23.

Insayangkat dagiti polis ti hot pursuit operation kalpasan a nakaawatda iti text idi agarup 4:00 ti parbangon manipud iti maysa a maseknan nga umili a maysa nga Isuzu Forward truck a nagkarga iti natablon a pine woods ti nakita a naibiahe iti Sitio Bissayot,  Barangay Comillas North, ditoy nga ili.

Tinarayan ti di nabigbig a drayber ti luganna a nagkarga iti 144 a pedaso ti pine woods agsipud ta mapapati nga awan ti permitna wenno legal a dokumento a mangibiahe iti nasao a lumber.

Na-impound ti truck ken naipaima dagiti lumber iti CENRO-Tagudin, Ilocos Sur.#