Footer

Tulong para iti livelihood, impaay ni Sen. Allan Cayetano

VIGAN CITY – Dua nga asosasion ti impaayan ni Senador Allan Peter Cayetano iti tulong para iti livelihood itay nabiit.

Nangipaay ni Cayetano iti pondo para iti livelihood ti Metro Vigan Tricycle Association ken ti Bangus Deboning Association iti Sto. Domingo, Ilocos Sur babaen ti rekomendasion ni Gov. Ryan Singson.

Kinuna ni Singson a maikatlon a beses a bimmisita ni Cayetano iti probinsia ket saan laeng a daytoy a gundaway a nangted iti pondo kadagiti asosasion ditoy probinsia.

Dinakamatna nga inikkan idi ni Cayetano iti pondo dagiti agmulmula iti bawang iti Sinait ket iti kaadda ti senador iti probinsia itay nabiit, nagreport kenkuana ti asosasion a nasayaat ti pannakaaramat ti pondo a naited kadakuada.

Maipalagip a nangted pay ni Cayetano iti pondo para kadagiti agar-aramid iti empanada iti Siudad ti Vigan.#