Footer

Tulong ti CHED, nakiddaw

VIGAN CITY – Inaprobaran ti sangguniang panlungsod ditoy ti resolusion a mangkiddaw iti tulong iti Commission on Higher Education (CHED) tapno masemento ken ma-rubberized ti oval iti Quirino Stadium.

Segun ken ni Konsehal Juan Carlo Medina, agbalor ti nasao a proyekto iti P7 mlion.

Naammuan ken ni Medina a punduan koma ni Sen. Bongbong Marcos ti nasao nga track oval ngem natamaan iti kontrobersia ti pdafna.

Kinuna ni Medina nga addan program of work ti UNP mainaig iti nasao a proyekto ket makaammonton ti CHED a makikoordinar. kadakuada.

Kinuna ni Medina nga adda puntiria ti CHED a 50 a proyekto nga agdagup iti P720 milion ket uray no 1% laeng ti maala ti Vigan City, dakkelen daytoy a pundo.#