Turista nga agpasiar iti Vigan, umad-adu

VIGAN CITY – Umad-adu ti bilang dagiti turista nga agpaspasiar iti Vigan City, daytoy a kapaliiwan idi Paskua, ken iti isasangbay ti baro a tawen.

Makalawas sakbay ti panagpiesta ti Vigan kas panangrambakna iti Konbersion ni San Pablo, adu manen dagiti turista a sumangpet iti siudad kas patalgedan dagiti nadumaduma nga otel ken pagdagusan.

Manamnama nga ad-adunto pay dagiti turista nga agdadarison iti Vigan inton Enero 22 gapu ta maangay iti daytoy a petsa ti Longganisa Festival Street Dancing Competition and Showdown a pakisalipan dagiti nadumaduma a pagadalan iti siudad ken manipud iti sabsabali nga ili ken probinsia.

Iti maysa nga interbiona iti media, kinuna ni Mayor Eva Marie S. Medina a manamnama ti yaadu dagiti turista nga agpasiar iti Vigan kalpasan ti pannakapilina a maysa iti New7Wonders Cities of the World idi Disiembre 7, 2014.#