Turista, tumuyutoy iti Vigan City iti pannakapaliiw ti Semana Santa

VIGAN CITY – Tumuyutoy dagiti ganggannaet ken lokal a turista a nangpaliiw iti Semana Santa ditoy siudad, daytoy ti naammuan ti Tawid News iti panagrekoridana.

Gapu iti kinaadu dagiti turista, fully-booked dagiti otel iti siudad agraman dagiti adda iti kabangibang nga ili kas iti Bantay, ken Sto. Domingo ken uray dagiti pagdagusan nga agaw-awat iti transient boarders.

Uray dagiti fast food chains, restaurants ken babassit a panganan ket napunno kadagiti kustomer.

Maysa a kutsero ti nagkuna a nagdoble ti ginanarna iti Semana Santa no maidilig iti ordinario nga aldaw.

Ninamnama dagiti agtuturay ti Vigan City a sumuyop ti bilang dagiti turista nga agpasiar iti siudad kalpasan ti pannakapilina a maysa kadagiti pito a pagsiddaawan a siudad iti lubong.#