NARVACAN, Ilocos Sur – Addan kabarbaro a commander ti 81st Infantry Brigade a nakabase ditoy nga ili.
Impaima itay nabiit ni Lieut. Col. Alava ti komandansia ken ni Lieut. Col. Jason Bajet a nadutokan a kabarbaro a mangidaulo iti 81st Infantry Brigade a nakabase iti Barangay Sulvec ditoy nga ili.
Sinaksian mismo ni Gov. Ryan Singson ken dagiti sumagmamano nga opisial ken kameng ti media ti turn-over ceremony.
Kinuna ni Singson a namnamaenna nga itultuloy ni Bajet ti nasayaat a relasion ti militar ken ti gobierno probinsial idi ni Alava ti mangidaulo pay.
Maipalagip nga itay nabiit, nagpinnirma ti gobierno probinsial ken ti 81st Infantry Division iti maysa a Memorandum of Agreement nga investor friendly ti probinsia ti Ilocos Sur ken katalnaan a probinsia iti Region 1.#