Ubing a babai, aksidente a napaltogan iti airgun

SINAIT, Ilocos Sur — Maysa agtawen iti walo nga ubing a babai a residente iti Brgy. Tapao daytoy nga ili ti aksidente a napaputokan iti airgun idi rabii iti Hunio 20, daytoy a tawen.

Segun iti report ti Sinait MPS, maysa agnagan Ryssel Yadao y Yadao, 23, awanan asawa, laborer ken residente iti dayta met laeng a barangay ti nangpidut iti airgun a nakaparabaw iti lamisaan sana kinalbit ti gatilio daytoy a nakagapuanan ti aksidente a panagputok ti airgun ket natamaan ti biktima a madama nga agay-ay-ayam iti asideg ti balayda.

Boluntario a simmuko ni Yadao kadagiti nagresponde a kameng iti Sinati MPS. Naipan met ti biktima nga ubing sadiay Don Mariano Marcos Memorial Hospital and Medical Center, Batac City, Ilocos Norte tapno maagasan. (Tawid News Team)