Ube jam a mailaklako iti Baguio, naggapu iti Sugpon

SUGPON, Ilocos Sur – Kinuna ni Mayor Guillermo Amoyen, ang-angkaten ti Good Shepherd ken Tamtamcus Company iti Baguio City ti produkto daytoy nga ili  nga ube.

Nalatak dagitoy dua a kompania nga agparpartuat iti ube jam a paborito a gatgatangen dagiti sangaili ken turista no mapanda agpasiar iti Baguio City.

Segun iti mayor, ti ube ti ibilangda a “one town one product” (OTOP) a pagtaudan ti pagsapulan dagiti umili ditoy nga ili.

Inkari ni Gov. Deogracias Victor “DV” Savellano a tumulong ti gobierno probinsial tapno dagiti mismon nga agmulmula ditoy nga ili ti agaramid iti ube jam manipud iti produktoda.#