SANTA MARIA, Ilocos Sur – Nobiembre pay laeng, ngem maysan nga ubing ti nabiktima iti paputok iti daytoy nga ili.
Naputokan ti akinkannigid nga ima ni Andy (parbo a nagan agsipud ta menor de edad), Grade IV, resident iti barangay Tangaoan, ditoy.
Naammuan iti report ti polis nga ig-iggaman ti ubing ti paputok iti kanigid nga imana idi aksidente a nasindian ket bimtak.
Maigapu iti nakaro a sugat na, naitaray iti Reyes Clinic and Hospital para iti panakaagasna.