Ubing, natay gapu iti dengue

CANDON CITY – Saanen a makapagmartsa iti panagturposna iti elementaria kas namnamaen dagiti nagannak kenkuana daytoy Grade VI pupil agsipud ta nagbalin a biktima ti dengue.

Nainaganan ti biktima ti dengue a ni Thrixia L, Arellano, 12, agnaed iti Sitio Nalasin, Paras, ditoy nga ili ken agbasbasa iti Calungboyan Elementary School ditoy siudad.

Segun ken ni Emma Arellano, apong ti biktima, nadlawanda ti agpukaw-agadda a gurigor ti biktima ket kalpasan ti sumagmamano nga aldaw, intarayda daytoy iti Santa Lucia District Hospital, sada inyalis iti Candon General Hospital, ken iti San Fernando City, La Union ngem naladawen ta nakaro unayen ti dengue ti ubing.

Aggraduar koma ti biktima iti Grade VI inton umay a bulan.#