Ubing, natinnag iti waig, nalmes

SUGPON, Ilocos Sur – Gapu iti pannakaikaglisna iti footbridge, natinnag ti maysa nga ubing iti karayan a puon ti pannakalmesna sadiay Barangay Banga ditoy nga ili idi malem ti Agosto 24.

Segun iti report manipud iti polis ditoy, nagay-ayam da Jameson Marquez y Bukong, 6, Grade 1 pupil, ken dagiti kakaduana iti footbridge a pagnaanda nga aggawid idi naikaglis ket natinnag iti waig ken inyanud ti napegges a danum.

Nagpaarayat ni Kevin Sanggawa, maysa kadagiti kadua ti ubing, iti dadakkel ti biktima ket nagpatulong ti ama kadagiti opisial ti barangay tapno alawenda ti ubing ngem bangkayen daytoy idi nasarakanda.

Adda dunor iti ulo ti ubing a mapapati a gapu iti pannakalmes ken ipapatayna.#