Umdas ti bagas iti Ilocos Sur: NFA

BANTAY, Ilocos Sur – Impatalged ni National Food Authority provincial manager Fortunato Bulao nga adda umdas a bagas iti probinsia iti sanguanan ti damag a ngumato manen ti presio daytoy a commodity.

Kinuna ni Bulao a saan a ngumato ti presio ti bagas iti probinsia agsipud ta adda umdas a pempenda kadagiti nadumaduma a bodegada iti probinsia.

Iti agdama, magatang ti NFA rice iti P18.50 kilo idinto a nasurok a P30 kada kilo ti commercial rice.#