Umno a teknolohia ti panagmula ti tabako, nairusat

CANDON CITY – Inrusat ti National Tobacco Administration ti programa nga “Oras ti Mannalon” iti DZTP Radio Tirad Pass ditoy itay nabiit.

Kinuna ni NTA Administrator Edgardo Zaragoza nga inrusatda ti nasao a programa para kadagiti mannalon tapno maadalanda iti umno a teknolohia ti panagmula iti tabako tapno ad-adu ti maapitda ken napimpintas ti kalidad dagiti bulong ti tabakoda.

Kinunana a dakdakkel ti maganansia dagiti mannalon no napintas ti kalidad ti maluto a bulong ti tabakoda agsipud ta kasapulan ti industria dagiti para-eksport a produktoda.

Impalgak ti administrador nga aganay 60 porsiento dagiti tabako a produkto iti probinsia ti mai-eksport.#