Unity run, naisayangkat

VIGAN CITY – Naangay ditoy siudad ti Unity Run para iti secure and safe elections inton Mayo 2013.

Inggannuat daytoy ti kapolisan iti panangidaulo ni PNP Provincial Director Senior Supt. Noel B. Amoyen, Philippine Army iti panangidaulo ni Col. Alava, DILG, dagiti dadaulo ti relihion, Commission on Elections ken dadduma pay a sektor kas panangibatad iti tarigagayda a maisayangkat ti nadalus ken natalna nga eleksion ditoy probinsia iti masungad nga eleksion.

Nakipartisipar pay ditoy ni Cong. Ryan Luis Singson, kandidato para gobernador ti probinsia, dagiti estudiante, ken dadaulo a Muslim iti probinsia.

Kalpasan ti taray, naangay ti maysa a programa iti sanguanan ti provincial capitol no sadino a nagpirma ti pledge of commitment dagiti maseknan a sektor para iti secure and safe elections.#