UNP Alumni Global Homecoming, naangay

VIGAN CITY – Naangay ti University of the Philippines Alumni Global Homecoming itay Oktubre 15 kas paset ti panangselebrar ti pagadalan iti Maika-50 nga aniversariona.

Immuna a naangay ti maysa a misa iti alas otso.

Indauluan ni Dr. Gilbert Arce, presidente iti UNP, ti motorcade iti aglawlaw iti Metro Vigan a nakipartisiparan dagiti alumni ti nasao a pagadalan nga indauluan ni Dr. Roland Navarro, presidente ti UNP Federated Alumni Association.

Tampok nga aktibidad ti pannakaangay ti maysa a programa iti Vigan City Convention Center a panangpadayaw kadagiti alumni a nagballigi iti tay-ak a sinerrekda kalpasan ti panagturposda iti UNP.

Ti tema ti selebrasion: UNP @ 50: stronger, better, bolder.#