CANDON CITY – Saan laeng a dagiti tattao ti apektado iti nakaro a pudot ti panawen, uray pay dagiti dingnguen, daytoy ti inlawlawag ni Dr. Roland Maranion, city veterinarian ditoy siudad.
Kinuna ni Maranion nga uray dagiti taraken a dingnguen ket matay met iti heat stroke nangruna no mabaybay-an ida iti kapudotan.
Innayonna a nasken nga ilinong dagitoy a taraken ken ikkan ida iti umdas nga inumen tapno saanda a masdo.
Itay nabiit, maysa a kandidato para gobernador iti Batangas ti natay gapu iti heat stroke.#