Vice Mayors, dinaydayawda ti Vigan City

VIGAN CITY – Dinayaw dagiti bise mayor saan laeng iti kinasalsalumina daytoy a siudad no di pay gapu ta adu ti naadalda iti pannakaimaton ti turay iti daytoy a panagpasiarda.

Bayat ti courtesy call dagiti bise mayor iti city hall, nabuyada dagiti naimplementar a nadumaduma a proyekto ken programa ti gobierno ti siudad nga idadauluan ni Mayor Eva Marie S. Medina para iti pannakaital-o ti panagbiag dagiti umili.

Segun kadagiti bise mayor, adu pay dagiti kasapulan a sursuruenda isu a nagpasiarda iti city hall tapno makitada dagiti programa ken gannuat ti gobierno ti siudad a puon iti nakagun-odanna kadagiti nadumaduma a pammadayaw iti rehion ken iti nasional a pasalip.

Maysa a tinarigagayan dagiti bise mayor ti pannakaiggemda iti CD mainaig iti codification dagiti naipasa a linteg iti Vigan a kunada a dakkel a katulonganda ta addanton pagbatayanda iti codification iti lintegda.

“Nakai-inspire ti padasmi ditoy napintas a siudadyo,” indayaw ti maysa a bise mayor.#