Vigan City, Candon City, 21 LGUs iti Ilocos Sur, immawat iti Seal of Good Housekeeping

SAN FERNANDO CITY – Indauluan ti Vigan City ken Candon City dagiti 21 a local government units ti Ilocos Sur nga  immawat iti Seal of Good Housekeeping manipud iti Department of Interior and Local Government itay nabiit.

Malaksid kadagiti dua a siudad ditoy probinsia, karaman kadagiti napadayawan nga LGUs  Alilem, Banayoyo, Burgos, Caoayan, Cervantes, G. del Pilar, Galimuyod, Lidlidda, Nagbukel, Qujirino, Salcedo, San Emilio, San Esteban, San Ildefonso, San Vicente, Santa, Sta. Catalina, Santiago, Sigay, Sugpon ken Suyo.

Dagiti 4th class agingga iti 5th class a munisipalidad ti resipiente iti nasao nga award.

Ti Ilocos Sur ti kadakkelan ti bilang dagiti LGUs a napadayawan. Karaman nga immawat pay iti nasao nga award ti 11 LGUs ti Ilocos Norte, 9 iti La Union, ken 9 iti Pangasinan.

Mait-ited ti Seal of Good Housekeeping kadagiti LGUs nga ekselente iti nasayaat a panagplanona, panagbadiet, mobilisasion iti pamastrekan, natibker a piskal/pinansial a panangimaton ken panangiwardas iti badiet, procurement ken resource mobilization.

Umawat dagiti napadayawan a siudad iti P3 milion idinto a sag-P1 milion kadagiti resipiente a munisipio.#