Vigan City government, gimmatang iti ambulansia

VIGAN CITY- Gimmatang ti gobierno ti siudad iti ambulansia babaen ti programa ti Philippine Charity Sweepstakes Office (PCSO) a pannakapaadda iti ambulansia kadagiti nadumaduma a local government unit iti pagilian.

Agpateg ti ambulansia iti P1 million ket bayadan ti city government ti 40% idinto a 60% ti pannakabagi ti PCSO, nairamanen dita ti registration ken insurance.

Kinuna ni Mayor Eva Marie S. Medina a kasapulan pannakapaadda iti baro nga ambulansia tapno adda madadaan nga aramaten iti emerhensia a kasapulan kas iti pannakaiyalis ti maysa a pasiente a maipan iti adayo a lugar.#