Vigan City, grandslam kas Most Child Friendly City iti pagilian

VIGAN CITY – Ti Vigan City manen ti napili a most child friendly city iti pagilian para iti daytoy a tawen.

Mismo a ni Vigan City Mayor Eva Marie S. Medina ti nangawat iti pammadayaw a Presidential Award for the Most Child Friendly, para iti component cities category manipud ken ni Presidente Benigno Aquino III bayat ti seremonia a naangay iti Malakaniang idi Oktubre 26.

Iti panangabakna manen iti nasao a pammadayaw, nagbalinen a grand slam awardee daytoy a siudad a maibilangen a maysa kadagiti kangrunaan a tourist destination iti Amianan.

Nagsaruno a tawen a napadayawan a Most Child Friendly City ti Vigan City idi 2008 ken idi 2009

Inatiw ti Vigan City para iti nasao nga award dagiti nakasalipna a siudad a pakairamanan ti Tagum City, Tagaytay City, Ormoc City ken Santiago City.

Agdagup iti 17 dagiti national finalists para iti nasao a pammadayaw iti component cities category.#