Vigan City, makisalip manen para iti cleanest and greenest city iti Region 1

VIGAN CITY – Makisalip manen daytoy a siudad para iti kadalusan ken kaberdean a siudad iti rehion, daytoy ti naammuan manipud ken ni Konsehal Juan Carlo Medina itay nabiit.

Kinuna ni Medina a lima a tawen a naginana ti Vigan City iti nasao a pasalip ngem iti daytoy a tawen, napalubosan manen a makisalip.

Iti napalabas, tallo a tawen a nagsasaruno nga inyalat ti Vigan City ti pammadayaw a cleanest and greenest city in Region I iti panagbalinna a grandslammer iti nasao a pasalip.

Itay Marso 7, sinangaili dagiti agtuturay dagiti regional evaluators a bimmisita iti Vigan City tapno sukimatenda dagiti nagapuanan ken gannuat ti gobierno ti siudad pakaseknan iti clean a green program.#