Vigan City maysa kadagiti 28 a finalists para New7Wonders Cities

VIGAN CITY – Opisialen a maysa ti Vigan City kadagitiĀ  finalists a pagpilian para iti New7Wonders Cities.

Impakaammo ni Bernard Weber, Founder-President ti New7Wonders Cities a kalpasan ti online voting, duapulo ket walo a siudad ti nabati laengen a pagpilian para iti New7Wonders Cities ket karaman ditoy ti Vigan City,Ā  lugar a pakasarakan iti ā€œkasayaatan a napreserba nga ehemplo ti maysa a planado nga Spanish colonial town iti Asia.ā€

Karaman kadagiti finalists ti Athens, Greece; Bangkok, Thailand; Barcelona, Spain; Beirut, Lebanon; Casablanca, Morocco; Chicago, USA; Doha, Qatar; Durban, South Africa; Havana, Cuba; Ho Chi Minh City, Vietnam; Istanbul, Turkey; Kuala Lumpur, Malaysia; Kyoto, Japan; La Paz, Bolivia; London, United Kingdom; Mendoza, Argentina; Mexico City, Mexico; Mumbai, India; Perth, Australia; Phnom Penh, Cambodia; Prague, Czech Republic; Quito, Ecuador; Reykjavik, Iceland; St. Petersburg, Russia; Seoul, South Korea; Shenzhen, China; ken Vancouver, Canada.

Sakbayna, karaman ti Cebu ken Iloilo kadagiti 77 a napagpilian para iti daytoy 28 a shortlist para iti New7Wonders Cities ngem kalpasan ti online voting itay Oktubre 21, naalus-osda ket ti Vigan City laengen ti nabatbati a mangitag-ay iti pagilian.

Maibilang daytoy a sabali a ā€œkalamidadā€ ti Cebu City nga itay nabiit ket maysa kadagiti nakaro a dinidigra ti 7.2 magnitude a ginggined.

Manipud iti 28, manamnama nga opisial a maipakaammonto dagiti 7 a ā€œwonder cities inton umuna a lawas ti Disiembre daytoy a tawen.

Ti New7Wonder Cities ti maikatlo a global a kampania nga angayen ti New7Wonders a pinundar ni Weber. Immuna tiĀ  New 7 Wonders of the World ken ti New7Wonders of Nature. Nainominar dagiti naisangsangayan a siudad manipud iti Africa, Arab States, Asia and the Pacific, Europe ken Canada ken ti Latin America ken iti Caribbean.

Manipud idi nainominar ti Vigan City iti New7Wonder Cities, rinugian da Mayor Eva Marie S. Medina ken dagiti city officials ti agresibo a kampaniada a pannakaibutos ti siudad iti online tapno makasagpat iti sumaruno a level ken dumakkel ti tsansana a mapili a maysa kadagiti pito a pagsidsiddaawan a siudad iti lubong.

Ti Vigan ti kakaisuna a siudad iti pagilian manipud iti Asia ken Pacific Region a kameng ti Organization of the World Heritage Cities.

Naawagan daytoy a grupo a World Heritage Cities gapu iti pannakapreserba ti kaadaanan a kultura, dagiti istruktura ken pasdek a pakakitaan ti panagbiag kadagiti naglabas a siglo nga adda pay la ita a nawaya a maimatangan ken masaksian. Napreserba dagitoy a lugar a saan laeng a pangtaldiapan iti napa-labas a panawen no di ket paka-ekperiensaan a mismo iti kabibiag ken panagbiag iti napalabas.

Kas maikatlo a kaduogan a siudad iti pagilian, simmaruno iti Cebu ken Manila a simmang-ladan dagiti Espaniol, ti Vigan City ti sibibiag a pammaneknek ti kinabaknang ti kultura ken kannawidan dagiti Ilokano, ken iti pakabuklanna, dagiti Filipino.

Iti babaen ti administrasion ni Vigan City Mayor Eva Marie S. Medina, saan laeng a nasalimet-metan ken nasalakniban dagiti duog a balay a bato iti Heritage Village no di pay natarimaan ken napasublida iti punganay a kitaken arkitekturada.

Maipalagip a nagun-od ti Puerto Princesa sadiay Palawan ti New7Wonders of Nature gapu iti 8.2 kilometro ti kaatiddogna nga underground river ditoy a pakasarakan pay kadagiti higante nga stalactites ken stalagmites formations ken dagiti kueba.#