Vigan City, nakasagana no adda kalamidad

VIGAN CITY – Dinayaw ni Senador Loren Legarda ti programa ti gobierno ti siudad ditoy mainaig iti kinasagana dagiti residente no adda sumangbay a kalamidad ditoy.

Impeksa daytoy ni Legarda idi naipaima kenkuana ti Disaster Survival and First Aid Handbook a nakaipalaonan dagiti rumbeng a maammuan ken aramiden no adda sumangbay a kalamidad.

Kinuna met ni Mayor Eva Marie Medina a nupay dakkel ti nabusbosda iti daytoy a programa, ammona a dakkel ti maitulongna kadagiti amin nga umili no adda sumangbay a kalamidad.

β€œIt is better to be prepared (in time of calamity),” kinunana.

Naglaon ti naiwaras a first aid bag iti tali, flashlight, bateria, betadine, posporo ken naipalaon iti first aid handbook dagiti rumbeng nga aramiden dagiti bumarangay iti tiempo ti bagyo, layus, ginggined ken dadduma pay a kalamidad.#Β