Vigan Elite Gun Club members, binusalanda dagiti paltogda

VIGAN CITY – Binusalan met dagiti miembro ti Vigan Elite Gun Club dagiti paltogda kas pannakikinnamayetda iti kampania ti kapolisan a malapdan ti panagpaputok babaen iti paltog iti Paskua ken Baro a Tawen.

Indauluan ni Gov. Ryan Singson dagiti padana a kameng iti Vigan Elite Gun Cluba nangbusal iti paltogda a naaramid iti sanguanan ti Vigan City Convention Center.

Mismo a ni Vigan City Chief of Police Police Supt. Jugith del Prado ti nangiwayat iti panangbusal kadagiti paltog sana pinirmaan.

Kinuna ni Singson a wagas daytoy a pangdisiplina iti bagbagida a saan a saan nga agpaputok iti panangselebrar iti masungad a tawen.

Inikkat met laeng dagiti miembro dagiti busal ti paltogda idi Enero 4.#