Villaruz, nailayon a presidente ti ISAH

HAWAI’I – Awan ti kinasango ti agdama a presidente ti Ilocos Surian Association of Hawaii iti panagpailayonna a presidente iti eleksion para kadagiti baro nga opisial daytoy a gunglo itay nabiit.

Nailayon kas presidente ti ISAH ni Danny Villaruz iti naangay nga eleksion idiay Susannah Wesley Community Center, Honolulu, Hawaii. Agtakem ni Villaruz iti sabali pay a dua a tawen. Nagserbin ni Villaruz kas presidente ti ISAH manipud pay idi 2001.

Dagiti dadduma pay a nabutosan a baro nga opisial ti ISAH:  Carlito Soria (Santa Maria) ken Dra. Estrella Pada Taong (Sinait), first vice president; Lynne Gutierez (Magsingal), recording secretary;  Lina Mercado (Santa), corresponding secretary; Rose Sabangan (Cabugao), treasurer; Bernadette Fajardo  (Candon), assistant treasurer; Maria Etrata (Santiago)  ken Veronica Esteban (Cabugao), PRO;  Paul Taong (Sinait), Elpidio Antolin (San Juan), Marcie Castro (Santa Maria), Philip Alcain (Vigan), Cesar Fajardo (Candon), sergeant at arms; Alice Castaneda (San Juan), auditor;  ken Antonio Ipalari, assistant auditor.

Dagiti advisers: Rep. Jun Abinsay, Ben Cabreros; Council members: Romy Cachola, Pio Enrico, Dr. Nas Torres, Louie Funtanilla, Ted Saribay, Dr. Charlie Sonido ken Amado Yoro.

Maipalagip nga itay napalabas a tawen, nangisayangkat manen ti ISAH iti homecoming and medical mission iti Vigan, Santa, Cabugao, Santiago, Banayoyo, Ilocos Sur ken iti Bacarra ken Pasuquin, Ilocos Norte.#