STA. MARIA, Ilocos Sur – Maysa a bomba ti nasukainan dagiti karpintero bayat ti panagbangonda iti balay iti barangay Maynganay Sur, ditoy.
Ni Godofredo Rapanut ti nakakita iti nasao a bomba ket impanna iti estasion ti pulis ditoy a kaduana ni PO3 Benson Abaco, PNP member a naka-assign iti PDEA a nakabase iti Narvacan, Ilocos Sur.
Naala ti bomba manipud iti mabangbangon a pagtaengan iti nasao a barangay.
