Viva Vigan Festival of the Arts, naluktan

VIGAN CITY – Nangrugi itay Mayo 1 ti Viva Vigan Festival of the Arts babaen ti pananglukat da Mayor Eva Marie S. Medina ken dagiti city officials ti trade and food fair iti Plaza Burgos, art exhibits, garden show, Vigan antiques and furniture show.

Naangay pay ti Lakbay-Barangay tourism fair.

Iti malem daytoy nga aldaw, naangay ti parada dagiti naarkosan a kalesa ket napremioaan ti kapintasan.

Naaramid met iti karabianna ti Disco sa Kalye iti Crisologo Street, corner Florentino Street.

Tinawen a rambakan ti Vigan City ti Viva Vigan Festival of the Arts kas panangitanduduna ti kultura ken arte ditoy siudad.#