Footer

Volunteer fire brigade, maitultuloy a mapapigsa

MAGSINGAL, Ilocos Sur – Segun iti fire marshall ditoy nga ili, itultuloyna ti pannaka-reactivate dagiti boluntario a fire brigade ditoy tapno adda katulonganda nga agresponde no adda mapasamak nga uram.

Kinuna ni Fire Marshall Rex de la Cruz, a nupay nagtreningen dagiti volunteer fire brigade  iti babaen ni dati a Fire Marshall Glen Paat, nagsanayda manen iti refresher training tapno nasamsamay ti panagrespondeda no adda emerhensia a pakasapulan kadakuada kas iti uram.

Nabukel ti volunteer fire brigade manipud kadagiti tanod ti nadumaduma a barangay daytoy nga ili.

Maipalagip a napadayawan ni Paat iti napalabas gapu iti nasamay a programana iti fire prevention, partikular ti panangbuangayna iti volunteer fire brigade ditoy nga ili.#