Volunteer nurse, nagbekkel

SAN ESTEBAN, Ilocos Sur – Bain ti mapapati a nangiduron iti maysa a volunteer nurse a nangkettel iti biagna.

Nasarakan laengen a bangkay ni Joanne Cardenas y Obien, 20, balasang, volunteer nurse, residente iti Barangay Baterya ditoy nga ili idi agarup alas 5 ti bigat ti Enero 24, 2011 a naputipotan iti bed sheet ti tengngedna.

Iti inisial nga inbestigasion dagiti polis, iti karabian ti insidente, binallakadan ti ina ti balasang a di unay mangan iti adu ket nalukmegen.

Mapapati a saanen a nagtuloy a nangan ti biktima ket napan nagpakni iti siledna. Kabigatanna, nasarakan dagiti dadakkelna a bangkayen ti balasang.#