CANDON CITY – Sabali manen a pagtagilakuan iti ukay-ukay nga aruaten a masarakan iti maikatlo a kadsaaran ti public market ditoy ti natakawan itay nabiit.
Natakawan ti RTW Surplus, kukua ni Jona Bongcawel, residente iti Pagangpang, Galimuyod, Ilocos Sur kadagiti tagilako a sapatos, bags, ken pantalon nga agdagup iti P30,000 ken cash a P210.
Mapapati a nagmerienda pay dagiti mannanakaw iti soft drinks ken junk food iti uneg ti pagtagilakuan sakbayda a pimmanawda.
Sumagmamanon a pagtagilakuan ti nataktakawan ditoy iti naglabas.#