Waiter, natiliwan nga aglaklako iti droga

BAGUIO CITY – Maysa a waiter ti inaresto dagiti polis bayat ti panaglakona iti maiparparit a droga idi parbangon ti Hunio 12 iti City Camp Alley, City Camp ditoy siudad.

Iti report manipud iti Philippine Drug Enforcement Agency-Cordillera Administrative Region (PDEA-CAR), naaresto ni Joel de Dios Nider, baro, waiter, ken residente iti Slaughterhouse, Sto. Niño ditoy siudad ken ti mapapati a kabbalayna bayat ti panaglakona iti shabu iti maysa nga agent ti PDEA-CAR a nagpammarang a gumatang iti daytoy maiparparit a droga.

Karaman ni Nider kadagiti notorious a grupo nga aglaklako iti droga iti Cordillera ken Ilocos Region.

Napilaan ni Nider iti panaglabsing iti Section 5 ti Comprehensive Drugs Act of 2002.#