Wanted person, naaresto

CANDON CITY – Inaresto dagiti polis ti maysa lalaki a sumangsango iti kaso iti korte ditoy siudad gapu iti panangbagsolna iti maysa a polis idi agsapa ti Enero 14.

Naaresto ni Dominador del Rosario y Millan, 42, naasawaan, residente iti Barangay Bagani Gabor ditoy siudad babaen ti warrant of arrest nga inyisio ni Judge Policarpio Martinez tiRTC Branch 71, Candon City.

Akusado ni del Rosario iti pannakabagsol ni PO1 Medward Galay, kameng ti polis ditoy siudad idi Septiembre 20, 2010.

Naituding ti P120,000 a piansa ni del Rosario.#