Wanted person, naaresto

SINAIT, Ilocos Sur – Inaresto dagiti polis ti maysa a wanted person sadiay Barangay Sta. Cruz, Sinait, Ilocos Sur idi bigat ti Nobiembre 5.

Inaresto ti nagtipon a bunggoy ti Bantay ken Sinait police stations ni Arnel Pacpaco y Pilot, 34, baro, taga-Barangay Sagpat, Bantay, Ilocos Sur ngem agdama nga agnaed iti Barangay Sta. Cruz, ditoy nga ili.

Sumangsango ni Pacpaco iti kaso a frustrated murder a nai-docket kas CC No. 6556-V nga adda piansana a P200,000.00 para iti temporario a pannakawayawayana.

Imet dagiti polis idi inarestoda ni Pacpaco ti warrant of arrest nga inyisio daydi Judge Reynaldo Lacasandile, judge ti RTC Branch 20, Vigan City a napetsaan iti Pebrero 9, 2010.#