Wanted person, naaresto

STA. CRUZ, Ilocos Sur – Inaresto dagiti polisĀ  ti maysa a wanted person iti Barangay Mambog ditoy nga ili idi Disiembre 17.

Naaresto ni Rizaldy Vallo y Pajardo, natibo ti Barangay Calongbuyan, Balaoan, La Union babaen ti bileg ti warrant of arrest nga inyisio ni Judge Raul V. Baharan, Regional Trial Court, Branch 19, ti Cauayan City, Isabela.

Sumangsango ni Vallo iti kaso a panaglabsing iti RA 9262 wenno Anti-Violence Against Women and their Children Act of 2004.

Adda nairekomenda a piansa ni Vallo nga agdagup iti P24,000 para iti temporario a pannakawayawayana.

Naipan ti akusado iti ti Sta. Cruz police station sakbay ti pannakaipaimana iti korte.#