Wanted person, naaresto

STA. LUCIA, Ilocos Sur – Maysa a wanted person ti inaresto dagiti polis ditoy idi malem ti Enero 3.

Inaresto dagiti polis nga indauluan ni Deputy Chief of Police PCI Rogelio Lazo Remiendo, Jr. ken babaen ti direkta a superbision ni OIC PCI June Sabado Galingan ni Wilma Domingo Manzano, 48, prinsipal ti Nagtablaan National High School, Nagtablaan, ditoy nga ili  babaen ti bileg ti warrant of arrest nga inyisio ni Judge Sixto Diompoc ti Regional Trial Court, Branch 72, Narvacan, Ilocos Sur a napetsaan iti Marso 25, 2011.

Sumangsango ni Domingo iti estafa a naidocket iti babaen ti CC No. 3384-N.

Naipan ni Domingo iti police station ngem nawayawayaan met laeng kalpasan ti panagpiansana iti P18,000.#