Wanted person, naaresto

BANTAY, Ilocos Sur – Inaresto dagiti polis ditoy nga ili ti maysa nga akusado iti panagrames idi malem ti Mayo 29.

Inaresto dagiti nagtipon nga elemento ti Bantay police station nga indauluan ni PSI Andrew Patao Rabang ken ti Provincial Highway Patrol Team a nakabase iti Bulag, Bantay, ni Romeo Padron y Piano, 47, naasawaan, mannalon ken residente iti Barangay Ora, Bantay babaen ti bileg ti warrant of arrest nga inyisio ni Judge Marita B. Balloguing ti RTC Branch 20, Vigan City.

Akusado ni Patao iti four counts of rape a nai-docket babaen ti CC Nos. 7393-V, 7394-V, 7395-V, ken 7396-V.

Awan ti nairekomenda a piansia ni Padron.

Naikustodia ti akusado iti Bantay police station para iti umisu a disposision.#