Wanted person, naaresto

GALIMUYOD, Ilocos Sur –  Kalpasan ti sumagmamano a tawen a panaglemlemmengna, natiliw ti maysa a lalaki a sumangsango iti kaso a panagrames.

Inaresto dagiti polis nga indauluan ni Police Major John Falag-ey Charongen,  ni Rey Villanueva alias Boy, 37, residente iti barangay Calongbuyan iti daytoy nga ili babaen ti warrant of arrest nga inyisio ni Judge Gavino Balbin, Jr. ti  RTC Branch 23 ti siudad ti Candon.

Sumangsango ni Villanueva iti  kaso a panagrames, addaan Criminal Case Nos. 2103-C, 2104-C ken 2107-C. (Danny Antalan)