Wanted person, tiniliw ti CIDT

TAGUDIN, Ilocos Sur – Maysa nga akusado iti panaglabsing iti RA 8294 ti tiniliw dagiti polis iti Barangay San Miguel ditoy nga ili idi Oktubre 26.

Naaresto ni Maxwale Lacandazo y Leal, 18, baro, residente iti Barangay Ambalayat ditoy nga ili babaen dagiti miembro ti CIDT  a nagresponde kalpasan a nakaawatda iti text message manipud iti Intel PNCO a nasaripatpatan ti suspek iti national highway a sakup ti nadakamat a barangay iti agarup 5:00 ti malem ti Oktubre 26.

Naaresto ni Lacandazo babaen ti bileg ti warrant of arrest nga inyisio ni Judge modesto L. Quismorio ti RTC Branch 25, ditoy nga ili nga addaan iti rekomendasion a  P60,000.00 a piansa ti akusado.#