Water pumps, solar a silaw, naiwaras

SAN EMILIO, Ilocos Sur – Sangapulo ket dua a water pumps ken 20 a solar a silaw ti naiwaras kadagiti agnaed iti nadumaduma a barangay ditoy nga ili idi Pebrero 28.

Naggapu ken ni Congressman Eric Owen Singson, Jr. dagiti water pumps idinto a naggapu ken ni Governador Luis Chavit Singson dagiti solar bulbs.

Indauluan ni Mayor Ferdinand Banua dagiti barangay officials ken farmers’ association a nangawat kadagiti water pumps idinto a dagiti pamilia kadagiti barbarangay ti nangawat iti silawda.

Kabayatanna, nainaguraran ti kabarbaro a rural health center ti ili a naponduan iti P12 milion.

Segun iti mayor, naggapu iti munisipio ti pondo a nabusbos iti pannakaipatakder ti rural health center.#