Waterworks interesado a mangipasdek potable water iti San Juan

SAN JUAN, Ilocos Sur – Imbilin ni Mayor Benjamin Sarmiento ti pannakaadal no mabenepisiaran dagiti agindeg sakbay a makipinnirma iti memorandum of agreement iti kumpania nga interesado a mangipasdek iti water system ditoy nga ili.

Segun iti maysa a pannakabagi iti maysa a waterworks manipud iti Dau, Mabalacat, Pampanga, interesadoda a mangipasdek iti potable water supply ditoy nga ili kalpasan a nakaduktalda iti ubbog iti Barangay Nagsupotan a pangalaanda iti danum.

Panggep ti nasao a waterworks nga umuna a masuplayan iti potable water dagiti agnaed iti Barangay Nagsupotan, Immayos Norte ken poblacion barangays santo maikalawa ti suplayanna kadagiti dadduma pay a barangay iti ili.

No malpas ti proyekto, addanto bayadan dagiti agindeg iti usarenda a danum.#