Footer

Yellow corn, bimmaba ti presiona

MAGSINGAL, Ilocos Sur – Bimmaba ti presio ti yellow corn gapu iti panagsangpet dagiti mais manipud iti ballasiw-taaw.

Daytoy ti naammuan manipud iti maysa a negosiante iti mais ken bagas.

Kinuna ti negosiante a dina kayat ti painaganan, P14.00 laengen ti presio ti yellow corn manipud iti P18.00.

Nupay kasta, ngimmato ti presio ti irik manipud iti P14.00 iti P17.00/kilo, segun iti negosiante.

Ngimmato met ti presio ti bagas manipud iti P1,300 iti P1,600 kada kaban.#