ZARZUELA ILOCANA

ZARZUELA ILOCANA. Tunggal panagpiesta dagiti nadumaduma a lugar ditoy Ilokandia adda latta maipabuya a sarsuela kas iti ngato a magustuan dagiti tattao a buyaen. Ngem dandanin mapukaw daytoy kadagiti piesta iti ili ken barangay ta masandiandan iti pasalip iti banda, maupaan nga artista wenno streetdancing competition. Kayat a biagen ti gobierno probinsial ti Ilocos Sur daytoy maibilang a tradision iti Ilokandia babaen ti panangangayna kadagiti pasalip a pakipartisiparan dagiti nabatbati pay a sarsuelista. (Jasper A. Espejo)