Zippline, nailunsad iti Narvacan

 

NARVACAN, Ilocos Sur – Manamnama ti umad-adu a turista nga agpasiar ditoy nga ili iti panangrugi ti operasion ti zippline, segun ken ni Mayor Zuriel Zaragoza.

Indauluan ni Zaragoza ti pannakailunsad ti zippline nga agatiddog iti 535 a metro sadiay Barangay Bulanos ken inatenderan dagiti residente ken dagiti estudiante dagiti pagadalan ditoy nga ili itay nabiit.

Initiatibo daytoy a proyekto ni Zaragoza tapno mangipaay iti paglinglingayan kadagiti tattao ken mangidur-as iti turismo ditoy nga ili.

Maysa daytoy nga ili ti inikkan ti DILG iti Seal of Good Housekeeping idi napan a tawen ket naikkan iti P1 milion a pondo a maaramat para iti proyekto a mangidur-as iti panagbiag dagiti umili. (Danny Antalan)